Təzəlik və mənbə

Mətn haradan gəlir

Maddələrin mətni e-qanun.az-ın rəsmi konsolidasiya olunmuş (cari redaksiya) mətnidir. Hər cavabda source_url sənədin e-qanun.az səhifəsinə aparır. Hüquqi qərar verməzdən əvvəl mətni həmin səhifə ilə tutuşdurun.

Nə vaxt yenilənir

Baza gündə bir dəfə yenilənir. Hər səhər e-qanun.az-dakı yeni və dəyişmiş aktlar yüklənir, dəyişən maddələrin yeni redaksiyası bazaya yazılır.
e-qanun.az-ın özünün dərc gecikməsi ola bilər. Akt qəbul olunandan, hətta qüvvəyə minəndən sonra e-qanun.az-da konsolidasiya olunmuş mətnin yenilənməsi bir neçə gün çəkə bilər. Bu gecikmə bizim bazaya da keçir.
Ona görə ən son dəyişikliklər üçün ilkin mənbəyə, yəni dəyişiklik aktının özünə baxın. Akt last_amendment.source_url və ya /history cavabındadır.

Cavablardakı vaxt sahələri

Vaxtlar UTC-dədir, millisaniyə dəqiqliyi ilə: 2026-11-01T02:08:57.435Z. Tarixlər YYYY-MM-DD.

Sahə	Harada	Mənası
`data_updated_at`	axtarış, maddə, tarixçə	Bazaya son məlumat paketinin (e-qanun.az-dan gündəlik yeniləmə) tətbiq olunduğu vaxt. Bilinmirsə `null`. e-qanun.az-da dəyişiklik olmayan gün paket olmaya bilər, ona görə bu sahə «baza bu vaxta qədər yenilənib» deməkdir.
`first_seen_at`	maddə	Maddənin cari mətninin bazada ilk dəfə göründüyü vaxt. Dəyişiklik aktının qəbul və ya qüvvəyə minmə tarixi deyil. İlk yükləmədə (2026-10-07) mövcud olan mətnlərdə həmin tarixi göstərir.
`stored_versions`	maddə, tarixçə	Bizim bazada saxlanan mətn versiyalarının sayı. Hüquqi dəyişikliklərin sayı deyil: 2026-10-07-dən əvvəlki dəyişikliklər versiya kimi saxlanmayıb. Maddəni neçə aktın dəyişdirdiyini `amendments_total` (tarixçədə `total`) göstərir.
`last_amendment`	maddə	Maddəni dəyişdirən ən son akt: id, ad, qəbul tarixi, nömrə, `source_url`. Yoxdursa `null`.
`recent_amendments`, `amendments_total`	maddə	Son ən çox 3 akt (ən yenisi əvvəl) və aktların ümumi sayı. Tam siyahı `/history`-dədir.

Gələcəkdə qüvvəyə minəcək müddəalar

Bəzi aktlar müddəanı gələcək tarixdən qüvvəyə mindirir. e-qanun.az belə mətni cari redaksiyaya bəzən əvvəlcədən daxil edir. Bizim baza bu müddəaları hələlik ayrıca işarələmir. Mətndə «… tarixdən qüvvəyə minir» kimi qeydlərə, maddənin başlığına və dəyişiklik aktının özünə diqqət edin. Bu müddət ərzində cavablarda müvəqqəti notice sahəsi bunu xatırladır. Belə müddəaların ayrıca statusu əlavə olunanda notice götürüləcək.

Köhnə redaksiyalar

Köhnə redaksiyaların mətni API-də yoxdur. /history yalnız hansı aktların maddəni nə vaxt və necə dəyişdirdiyini göstərir.